Ṭah Ciamco Ih Ṭhanak: Kan Taksa In Ṭah, Mithli Luang A Ṭul Caan Anei

Ṭap cu thilṭha lam a si lo dingah kan rak ruat thluh men ding nan ṭhanak khal anei tam zet. Na ṭahsuak cun ningzak loin ṭap ciamco sawn aw, supaw loten kan ṭap asilen kan taksa hrangah ṭhanak anei ti khal kan theih a ṭha.

Hringnun kan pal hmaisabik ni (Kan suah ni) ah kan ṭap lo asilen kan nulepa, sibawi le nurse pawl cu an thinhar sawn a si kha. Ṭahnak in hringnun kan thok ruangah ziangso a ṭhanak timi kan zohtlang hnik ding.

Ṭahnak in kan lungtur a cakter, kan mood/feeling khal a cakter vivo ih kan taksa sungih tursia pawl an hlonhlo. Kan thinhar, beidonnak pawl khal mithli lakah an luanghlo ṭheu. Kan ṭap ciamco hnuah kan ihthat khal a thaw cuang, thausia khal a hlonhlo.

Taksa rit pawl khal a retter ruangah kan zangkhai duh zet. Kan mit sungah hnawmhnew, nathrik le thlisia phunphun an um nan kan hmu thei lo men, cupawl cu ka ṭap tikah mitthli in a tifai ruangah ṭap cu mit hrang khalah a ṭha.

Mitthli hi siivai ṭha zet a si ih kan hnarkua hrang khalah a ṭha zet, hnarkua sungih um nathrik, thlisa pawl an hlonhlo. Ṭahnak hi ṭongkam ṭha zetzet aiin hmuar anei sawn.

Tongkam in “Ka lo duhdawt tuk” ti aiin mitthli fawrkhat in mi thinlung a tham sawn. Innsang kekkuai, fala le tlangval khal ṭahnak in a remṭha theisal ruangah ṭap hi ningzak ding thil a si lo. Ṭap a ṭul ahcun ningzak loin ṭap ciamco mai aw.

Be the first to comment

Leave a Reply

Your email address will not be published.


*