Ṭek In Phun 5 Kailai Tlawngta A Tlak That

Rakhine, Kyauk Phyu peng, Kho Tu Htain khua ih um nauhak pathum cu ṭek in a tlak ih pakhat a thi, pahnih in hliamhma nasa zet an tuar. An zaten phun 5 kailai an si.

Mithi cu kum 12 mi Maung Ta Sii Nue a si, hliamtuar pahnih khal kum 12 mi an si ih an hmin cu Maung Wai Yan Soe le Maung Thet Wai Yan an si.

August 2, 2022 sun nazi 2:00 hrawngah an khua kiang tiva ah takkholh dingin an va feh, takkholh dingin tim an tuahawk rero laiah ṭek in a tlak ih an tlu thluh. An khuami U Thein Phe in, “Ṭek in an pathum in a tlak ih an tlu thluh. Tualsung mipi pawl an va feh ih an tuamhlawm.

Nauhak pakhat a thi, pahnih khal ṭek in a tlak ngah ruangah an taksa a dum, zianghman an thei lo ih siizung ah an phur. Tuisun ahcun an lungfim zo” a ti. Ṭek ih tlak that mi Maung Ta Sii Nue cu August 3, 2022 sun nazi 1:00 ah an vuiliam.

Be the first to comment

Leave a Reply

Your email address will not be published.


*