Ṭio Mipi Pawl Hrang Theihternak & Ralrinnak

March 5, 2022 zingpit nazi 5:55 ah tualsung mipi humhimtu pawlin India-Myanmar ramri ih umhmun khuar ralhrang sakhan cu an va kap ciamco. Falam peng, Rihkhawdar khua No.2 veng ih um ralhrang sakhan cu an va kap ih amalbik ralhrang 5 an thi ih hliamtuar tam zet an um tin PDF-Zoland in an phuang.

Haimual khua lamih umhmun khuar ralhrang pawlin meithal le ralthuam picang in an kap bawm. An kahawknak hi nazi 1:30 sung hrawng a si ih mipi lamah hriamtuar malte an um. Himi an doawknak ah PDF-Zoland, CDM-Siyin, CNDF, CNA, CDF-Hualngo pawl an tangkhawm.

CDF-Hualngo in, “Rihkhawdar Town sungih um, abik takin Ṭio mipi pawl theihternak. (1) Dothlennak fehpi rero lai a si ruangah kan ral uico ralhrang pawl thawn biakawknak hrimhrim nan nei lo ding.

(2) Ralhrang cozah a tluksiat theinak dingah mipi le mipi ralkap pawl hi kan tangtlang a thupi tuk. Cuti laiah ralhrang pawl tanpitu nan um asilen Dalan ti nan si ding. Dalan pawl parih rorel dan vekin nan parah thurel a si dingih hmalaknak kan nei ding” tin an tarlang.

Be the first to comment

Leave a Reply

Your email address will not be published.


*