2023 Kum Ah Bike Zam Thei Hmaisabik An Tlangzarh Ding

Minung thiamnak a sang vivo ih motor zam thei khal an tuah zo, tulai ahcun motor datsii thun ṭul lo pawl hi a lar zet. California company Jetpack Aviation pawlin bike zam thei an tuah ih an hlawhtling thu an phuang.

Jetpack Aviation company pawl cu tulai thilri bungrua tuahtu lakah cun an hmin a thang zet. Bike zam thei cu ‘The Speeder’ tin an ko ih kumkhat hrek sung an tuah hnuah an hlawhtling.

Mipi, vangtlang lakih an tlangzarh ding caan cu 2023 kum ah tin an phuang. Tu’ah ahlan khan ih cahcia preorders a theih zo ih pakhat ah $381,000 zatin an zuarsuak.

Jetpack Aviation CEO David Mayman in “Minute 35 sungah 250 mph ih cakin a zam thei. A zam tikah a duhduhnak hmun ah a ṭum thei. Cun, vanzam mawng theinak pilot’s license a ṭul lo nan bike zam mawng theinak pilot’s license tenau cu an tuah a ṭul” a ti.

Be the first to comment

Leave a Reply

Your email address will not be published.


*