3 ‘D’ In Phun 10 Rak Ongtu PDF Mino Cu Ralhrang Pawl Thawn An Doawknak Ah A Nunnak A Liam

Sagaing, Tigyaing ramsung ah tualsung mipi kilhimtu Fox Army- HPDF le ralhrang pawl an kapaw ciamco ih cutawk ah 3 Distinction thawn phun 10 rak ongtu mino pakhat ih nunnak a liam.

December 7, 2021 zinglam nazi 9:00 hrawngah Lieutenant Colonel Nay Oo Hlaing ih kaihruaimi ralhrang mipum 68 cu Ton Long Kyun ramlakah an va feh ih tualsung mipi kilhimtu Fox Army- HPDF pawlin bomb in an rak puah.

Cutin kaphnih kahawknak a thleng, bomb puak ruangah ralhrang 15 hrawng an thi ih hliamtuar khal tam zet an um. Ralhrang pawlin bomb le pukpi an kap ciamco ih bomb puak ruangah PDF mino kum 20 mi cu a thi.

Fox Army-HPDF ṭuanvo neitu in, “Mithi ruak cu doawknak tualrawn ihsin kan thiarsuak ih kan kirsal, a tantami a innsang pawl thawn meithal hmetpuak in upatnak kan hlan ih kan vuiliam. Hmailam caan ih kan arsi tleu ding a til, kan zaten kan riah a sia tuk ih ralhrang pawl donak ah thinlung pacannak / thathonak in pe” tin an tarlang.

Be the first to comment

Leave a Reply

Your email address will not be published.


*