5 D’ Thawn Phun 10 Rak Ongtu Tlawng Sayama Cu Miphyo Keng Nawn Loin Meithal A Keng >>>

Sayama Pih Sung ih hminngai le a sinak cipciar cu amah humhimnak ah kan thuhsak ding. Sayama Pih Sung hi a tlawngkai lai ihsin cathiam thei zet a si ih phun 10 khal 5 Distinction in a ong, siivai lam tlawngkai theinak a ngah nan tlawng sayama ṭuan a duh sawn ruangah cazirhnak lam ah a lut sawn.

2019 kum ihsin Myitkyina kiang khua te ah phun 10 tlawng sayama ava ṭuan, tlawngta nauhak pawl hi duhdawtnak thawn ca a zirh ruangah tlawngta pawl khalin an ngaina zet. A tlawngta nauhak pawlin an sayama cu mipi kilhimtu PDF ih a lut ruangah an suang zet thu an rel rero.

Kum 2 sung tlawng sayama a ṭuan hnuah ralhrang in ramsung thuneihnak an la cu a duh lo zet. Cun vote diklo aum tin vote thlaknak hmun ih hnaṭuantu tlawng saya/sayama pawl khal hremnak an pek lo ruangah saya/sayama pawl hmuhsuamnak a si tin CDM ah a tuah.

Lamzawh thuphorhnak khalah arak tel ringring ṭheu, hitin CDM ih a lut ruangah ralhrang pawlin kai dingin a hmin an pholang. Kai dingin an inn ah vei tampi an va hawl ruangah ramlak ah a tlan ih PDF ah a lut. PDF a lut hlanah tlangpar hriamkai pawl hnenah thlakhat sung raldo dan a zir lawk.

Sayama Pih Sung in, “Raldo dan kan zir laiah thil kan ti sual pang asilen in vua ṭheu, tlawng kan kailai khalah hitin in rak vua dah lo. Kan team ihsin mi pakhat in thil a ti sual asilen hremnak kan tuar thluh” tin an training lai ih a thilton cu hnih phahin a sim. Tu’ahcun training a kai thluh zo ih hmun pakhat ah PDF a ṭuan, miphyo arak keng ṭheunak kut ah meithal a keng ih ralhrang pawl do dingin a man thu a sim. Ralhrang pawl an do neh hnuah hnangam zetin tlawng sayama a ṭuan sal duh thu pawl media hnenah a sim thei.

Be the first to comment

Leave a Reply

Your email address will not be published.


*