A Aiah A Naule (3) An Kaih Ruangah Mah Le Mah Thatawk Tum In Putatsii A In

Mandalay, Patheingyi khua ih um kum 29 mi Lawyer Daw Phyu Phyu Khaing cu ralhrang pawlin kaih an tum ih an kai ngah lo ruangah a naule pathum, nauhak tete cu a aiah an kai. Curuangah Daw Phyu Phyu Khaing cu a thinhar tuk ih amah le mah thatawk a tum.

Daw Phyu Phyu Khaing cu ralhrang duhlo lamzawhnak ah a tel áš­heu, PDF pawl hnenah bawmnak a pe tin hektu a neih ruangah June 8 sun nazi 1:00 hrawngah ralhrang pawlin kaih an va tum. An inn cu an kulh thluh ih kai dingin inn sungah an lut, asinan Daw Phyu Phyu Khaing cu arak um lo.

Innsung ih um a innsang pawl cu kut an thlak ciamco hnuah a naule pathum cu a aiah an kai. A naule pathum cu tlawngkai lai an si ih mipa pakhat le nunau pahnih an si ih ralhrang thusutnak hmunpi ah an hruai, tuini tiang an thuhla hi theih a si nawn lo.

Daw Phyu Phyu Khaing in a naule pathum cu a seherh tuk, an thuhla a theihlonak hi ni 4 a si zo. June 12 sun ahcun a tlannak hmun ah beidong in aum ih mah le mah thatawk tum in putatsii a in ih a talbuai ciamco, kiangkap ih um pawlin an va hmu man lo ih besia zetin siivai thawn an tuamhlawm rero lai.

Be the first to comment

Leave a Reply

Your email address will not be published.


*