A Bike Lukhum Sungah Varngen Tumpi Arak Um !!!

Bike lukhum cu kan duhduhnak hmun ah kan ret ih zohfiah ta loin kan khum sal ṭheu ruangah kan fimkhur a ṭul tuk.

Malaysia mipa Wak Sarep cu Manjung khua feh dingin bike thawn a tlan vivo, lamzin kap ah a cawl lawk ih minute 40 hnuah a tlansal.

A lu le a hna kiangkap hrawngah thil vakkual rero um vekin a theihawk ruangah a cawlsal ih a zohfiah aw nan zianghman thil a hmu lo. A bike lukhum sung lam a zohfiah ih a bike lukhum sung a kawmkerte ah varngen tumpi arak relh cu a hmu thutthi ih a ṭih tuk.

Varngen cu a ti tla ih a zuk hnuah online sungah a post, online mipi pawlin “Ava ṭihnung ve” an ti celcel, Wak Sarep in “Bike lukhum nan khum hlanah zohfiah ta cio uh” a ti hnuah Manjung khua lamah a tlansal.

Be the first to comment

Leave a Reply

Your email address will not be published.


*