A Caan A Kim Ruangah Thawnginn Ihsin An Suah Zalen, Asinan, “Ka Suak Duh Lo, Thawnginn Ah Ka Um Duh Lai” A Ti

Kenya pacang cu 2018 kum ah an kai, tapung Somalia pawl thawn hna an ṭuantlang tin an kai. A kutsung ah meithal, ralthuam khal an kai ngah.

Court in tapung a si ngai ti tetti kimcang a nei thei lo ruangah May 5, 2022 ah an suah zalen ih a suak duh lo. Court hnenah thawnginn sungih um theinak a dil.

Thawnginn sungih um a duhnak a san cu ‘tapung tin an kaihmi pawl cu an suah zalen hnuah cozah kuthnuai ih cangvaitu pawlin an that cingcing, an sulhnu khal hmuh ding um loin an hlo ṭheu’ a ti. April 2014 khalah hriamkai an kaihmi pakhat cu an suah zalen veten zo ti theih lo pawlin lamzin ah an kap that hngal.

A dilnak cu court in a cohlang ih ni 30 sung thawnginn sungah um an siang nan um man a pe ding, ni 30 hnuah cun a suah tengteng a ṭul ding. A lawyer in thawnginn ihsin a suah hnuah kilhimnak pe dingin a ngen.