A Damlo Bese Tuk Ruangah Sibawi Pawlin An At Zik, “Khui Ahso Ka Phone Teh?” Tin A Sut, Sibawi In Na Nupi Ka Pe A Ti Veten A Tlansuak Hngal

Missouri, Kansas khua sungih siizung pakhat ah damlo an tuamhlawm, a damlonak a bese deuh ruangah sibawi pawlin at a tul an ti. Cutin, thih le dam karlakah aum, ahnak ding room sungah an hruailut ih a hnipuan pawl khal a thleng thluh.

An at hlante ah sibawi hnenah “Khui ahso ka phone teh?” tin a sut, sibawi in “Thinphang duh hlah, na nupi hnenah ka pe” a ti veten a thinphang tuk ih a tlansuak hngal. Mi hngahnak room sungih um mi pakhat in video in arak zuk ih “Oh! Siizung sungah thilmak a thleng ringring” a ti.

Motor parknak ihsin a nupi cu motor thawn arak tlansuak zik te, a phone cu ava dilsal nan a nupi in “Na phone cu ruat buai duh hlah” tin a tlansan. An pahnih karlak ah ziangthil a thleng vivo ti cu theih a si lo, a phone sungah thildik lo aum maw si ding.

Thudang: “Cakuat Delete Leuhleuh, Koppi Kiangih Phone Ret Ngam Lo Pawl Cu Mibum Hmang, Rinum Lo An Si” A Ti Ruangah Online Mipi Pawl An El’aw Ciamco. Tuisan cu phone le online san a si ih kan caan tam sawn cu online sungah kan hmangliam.

TikTok khawvel ih hminthang Jill timi nu in “Rinum lonak cu a phunphun in aum, cakuatmi pawl na delete leuhleuh & na koppi kiangah na phone na ret ngam lo asilen mibum hmang, rinum lo na si zo” tin a tarlang. A tarlang hnu reilote ah online mipi in vei 85,000 zat an zoh man ih minung 4,400 in like an pe, minung a thawngtel in an comment.

Mi ṭhenkhat in “A dik lo top, kum 35 sung kan neiaw zo ih phone kan zohter aw dah lo. Ka phone khal a zoh dah lo ih a phone khal ka zoh dah fawn lo. Phone cu bulpak ta (private) a si” an ti.

Ṭhenkhat cun “a dik tuk, koppi/nupa cu pumkhat an si ih ziangkim tawmaw tawn ding an si” an ti ve thung. Bern Wind timi in “Phone space (hmunram) a khat tuk ding ka phang ruangah cakuat cu ka delete leuhleuh, rinum lonak lam a si lo” a ti. (# Ziangtin na ruat?)

Be the first to comment

Leave a Reply

Your email address will not be published.


*