A Duhdawt Zet Mi A Tlangval Cu Kum 11 Hnuah A Nunnak Rak Runsuaktu Ti A Thei

Taiwan ram ih um fala le tlangval hi an duhawk hlan, an tonawk hlanah an thisen sawn an tongaw hmaisa. Khuanui samhri sih tinak a si men ding. Kum 11 liamzo ah fala Lin Xiaofen cu motor cansualnak rapthlak zet ah a tel ih a thisen a suak tamtuk ruangah a thi zik, zianghman a thei nawn lo.

Siizung ah het leh chet tin an tuamhlawm ih thisen a ṭul tuk ruangah thisen hlutu ding an hawl, khua dangih um hmeltheih lo tlangval in a thisen a hlu. Cutawk ah tlangval Lian Zhicheng cu kum 20 mi a si lai ih damlo pawl hnenah a thisen a hlu ṭheu.

Fala Lin hrangah a thisen hi vei 10 rori a hlu nan amah cu a theifiang lo. Kum 11 hnuah an tongaw ih an duhaw, neiaw dingin ziangkim an tawlrel rero lai. An thuanthu pawl an simawknak ah fala in a thilton rapthlak zet cu a sim thei ih hmeltheih lo ih thisen hlutnak ruangah ka nung khuasuak thei a ti.

A tlangval in “Ka thisen tla arak si men thei” a ti hnuah siizung ah ava zingzoi ih thisen hlutu cu a tlangval a si ngaingai ti a theisuak cu mak a ti tuk. Lin Xiaofen in, “Thisen hlutu ih hmin ka hmu cu ka mangbang tuk, ka lungawi tuk fawn” a ti. Interview-nak ah “Damlo bese pawl hrangah nan thisen hlu uh, hmailam caan ih nan nupi ding nan runsuak tla a si men thei” tin mipi pawl hnenah forhfialnak anei cih.

Be the first to comment

Leave a Reply

Your email address will not be published.


*