A Duhdawt Zet Mi A Vulhmi Ngate (2) In An Thihsan Ruangah A Lungkuai, Zu A In A Ṭah Ciamco

Minung pawlin inn vulh rannung hi an innsang member pakhat vekin an duhdawt ṭheu, ṭhenkhat cun an fale aiawh ah rannung an vulh. Vietnam tlangval in ngate a duhdawt tuk, nga mankhung pawl Blood Dragon Fish cu sumpai cawicop in a lei ih an inn sungah a vulh.

Ngate a hmuh tinten a hnangam thei zet, nikhat cu a vulhmi ngate pahnih in an thihsan ruangah a lungkuai in a ṭap ciamco.

An hmunchar ah ṭhaten a va phum hnuah a rualpa a ko ih a thinharnak pawl hnemdai dingin zu an intlang, zu a rit hnuah a ngate pahnih cu a ngai tuk sal ih supaw thei nawn loin a ṭap ciamco.

A rualpa in arak zuk hnuah online parah a tarlang ih, “Thuhla dangdang ruangah mi an ṭap lai ka hmu ṭheu, tuiṭum ahcun ngate ruangah a ṭap” a ti. Online mipi pawlin an lainat zet ih tuarpinak phunphun an langter.

Ṭhenkhat in, “Blood Dragon Fish nga cu vulh An har tuk, thalcaan ah tidai ih umter ding, thlasik caan ah tithlum ih umter ding an si. Hivek nga na vulh duh asilen fimkhur zetin an thuhla zingzoi hmaisa ta aw” tin an comment.

Be the first to comment

Leave a Reply

Your email address will not be published.


*