A Fala A Duhdawt Tuk Ruangah A Awm Ah A Hmin A Ngan, An Ṭhenawk Hnuah A Hmin Cu Mithi Kuang In A Khuhhlo

Fala le tlangval an duhawk laiah cun ṭhenaw thei nawn lo dingah an ruat ṭheu. ‘Thihnak lo cun in ṭhen hlah seh’, ‘Na hrangah ka nunnak ka pe ding” tin biathu an hlanaw ṭheu nan mitthep karah an ṭhenaw thotho.

Vietnam tlangval in a fala a duhdawt tuk ruangah a awm ah a fala ih hmin le a suahkum cu a ngan. “Ka siangpahrang nu” tin a ngan ih a hnuaiah a fala ih hmin ‘Truong Minh Thu’ tin a ngan. Tattoo hi awlsamten hlonhlo a theih nawn lo.

Cumi hnuah a fala thawn buainak an nei ih ṭongkam an el’aw ciamco ih an ṭhenaw fel. Curuangah a fala ih hmin le suahkum cu mithi kuang in a khuhhlo ter.

Tlangval in, “Kan duhawk lai ahcun ṭhenaw thei nawn lo dingah ka rak ruat. Kan ṭhenawk ruangah ka riahsia tuk, tattoo dawr ah ka va fehsal ih mithi kuang ka suaiter bet. Ka fala hlun ih thuhla cu theih ka tum nawn lo ih hringnun thar ka thoksal ding” a ti. #Na fala/tlangval na duhdawt tuk asikhallen na taksa parah tattoo cu suai duh hlah.

Be the first to comment

Leave a Reply

Your email address will not be published.


*