A Fala A Vuak Ciamco Laiah Lungphun Cawl In A Thi

England, Manchester khawpi ih um mipa kum 40 mi Ricky cu bawlung lek ṭheu a si, fa pahnih nei zo nunau kum 44 mi Jennie thawn an duh aw. Kum 3 sung an thlun aw zo. Italy, Florence khawpi ah an va tlawng ih nuam an cen. Riahbuk cangkang zet ah an thleng.

July 16 zan ah zu an in ih an nuam aw zet, riahbuk an va thlen hnuah buainak an nei ih Ricky in a fala cu a vel ciamco. A vuak ih a sit, Jennie cu taklawng zikte in aum ih a thisen a luang.

Ricky in a fala hi nasa zetin a vuak rero laiah a cau tuk ih lungphu cawl in a thi, Jennie khal lamzin ah a tlansuak ih kiangkap ih um mipi pawl hnenah bawmnak a dil. An riahbuk sung an va zoh ih Ricky cu arak thi zo.

Siibawi pawlin a thihnak san an zohdik hnuah lungphu cawl in a thi ti an nenhnget. Jennie khal a hliamhma tuar a nasa tuk ruangah zarhkhat sung biak a theih lo, a taksa hmunthum ah operation an tuah. Tu’ahcun siizung ihsin a suak zo nan inn lamah an tuamhlawm rero lai.

Be the first to comment

Leave a Reply

Your email address will not be published.


*