A Fala Ca A Thiam Lo Ruangah A Fala Vekin A Thuamaw Ih A Fala Aiah Exam Ava Tuah

Africa, Senegal khua ah fala le tlangval duhdawtaw zet an rak um. Tlangval cu kum 22 mi Khadim Mboup a si ih phunsang tlawng Gaston Berger University ah tlawng a kai lai.

A fala cu kum 19 mi Gangue Dioum a si ih high school a kai lai. A fala tei in exam an nei ih English ca a thiam lo tuk ruangah a beidong zet, a tlangval in a zangfak tuk ruangah a aiawh in exam tuah theidan ding an tawlrel.

Samlem a khum ih a fala ih hnipuan pawl a hruh sak hnuah exam ava tuah. Ni 3 tiang cu tluangten exam a tuah thei, exam-nak ah mi a be lo ih daiten aum ruangah an theithiam man lo ih lenglam ah a fala in arak hngak áš­heu.

Ni 4-nak ahcun exam kiltu in a umdan a danglam tuk a ti ruangah ava zohfiah cu midang a si ti a theithiam ih palik pawl a ko. Palik pawlin an hruai ih a fala khal an ko.

Cutin exam-nak ah mibum timi thubuai an orhter ih kum 5 sung cu cozah exam tuah an siang nawn lo. Thu an sutnak ah Khadim Mboup in “Duhdawtnak ruangah a si” a ti, an thubuai cu an zingzoi rero lai ih thiam lo coter an silen kum 5 sung thawngthlak le cawh an kuan thei.

Be the first to comment

Leave a Reply

Your email address will not be published.


*