India, Dumka khua ih um fala kum 19 mi Ankita cu tlangval Shahrukh in a thlun ringring. Ankita hi phun 12 kailai a si, a tlawngkainak le a tuition kainak khalah a thlun ringring.
Rualpi aw dingin a ngen ih fala in a duh lo ruangah a hringhro. Ankita in a thilton cu a pa hnenah a sim thei, a pa in ‘thaisun ah a nulepa hnenah ka va sim ding’ a ti. Zingpit ah Shahrukh cu an inn ah a lut thup, an sangkate ihsin Ankita itthat lai cu datsii in a tawih ih a urkang.
A taksa 95% cu a kangsiat, siizung an um laiah amah urkangtu cu an innhnen tlangval Shahrukh le a rualpa tin a nulepa hnenah a sim thei. Palik pawlin Shahrukh le a rualpa cu an va kai, an kaih laiah Shahrukh cu a hni siamsiam men.
Siizung ah ni 5 sung an tuamhlawm hnu August 28 ah Ankita cu a hliamhma tuar nawn loin a thi. Khuasung mipi pawl cu an thinheng tuk ih lamzawhnak an nei. An ram hruaitu in lusun innsang hnenah tuarpinak Rs 10 lakhs pe dingin a tawlrel ih sual tuahtu khal hremnak napin pe dingin a thuhla an zingzoi rero lai.
Leave a Reply