A Fala Hlun Ih Tlangval Thar A Dawt That

Thailand, Samut Prakan province ih um tlangval kum 20 mi Korakitti in thikthusiatnak ruangah a fala hlun ih tlangval thar cu nam in vei 30 lenglo a dawt. May 2, 2022 ah bazar ah arak bawh, a fala ih dawr kiangkap hrawngah aum.

A fala hlun le a tlangval thar kum 31 mi Aphisit cu bazar ah an va feh ih Aphisit cu amah lawngin tlung dingin motor retnak ah ava kirsal. Korakitti in namtong kengin a pan, bazar sung minung tamnak hmun ah an dum’aw ciamco ih nam in vei 30 lenglo a dawt/sat.

Minung tam zetin thilthleng cu an hmu nan an run ngam lo. Nam in a dawt ciamco hnuah Korakitti cu a tlan, Aphisit cu thihnai lakah a it. Palik pawlin siizung ah an tlanpi nan siizung an thlen hnuah a hliamhma tuar loin a hnukcat.

Mithi ih farnu in, “Ka u tuahmawhtu cu a fala ih tlangval hlun a si. A fala hlun thawn kopaw sal dingin a dil áš­heu nan fala in a duh nawn lo” a ti. Korakitti cu a innsang pawlin palik sakhan ah an ap.

Korakitt ih nu in, “Ka fapa le a fala hlun hi kum 7 lenglo an kopaw zo, ka fapa in hi thil a tuahnak san cu an rak kopawk laiah fala in vei tampi a bawm. A sumpai 1 billion baht a eisak” a ti. Korakitti cu palik pawlin an kai ih tualthat thubuai an orhter.

Be the first to comment

Leave a Reply

Your email address will not be published.


*