A Fala Ih Fanu Kum 3 Mi Cu Rawl A Ei Duh Lo Ruangah A That

England, Sandgate khawpi ah mipa kum 27 mi Paul in a fala ih fanu kum 3 mi cu suncaw a ei duh lo ruangah a that. A fala ih fanu cu harhdamnak ṭha lo a si, a fala cu hnaṭuan dingin a suak.

Sun laifang ah Paul in a fala ih fanu cu suncaw a barh rero ih arak ei duh lo, Paul cu TV ah bawlung sit zoh a duh thawn a thinheng tuk ih a fala ih fanu cu ihkhun ah a deng. A deng naa tuk ruangah a lu in phar ava sawt ngah ih zianghman a thei nawn lo.

Sun nazi 3:10pm ah Paul in runsuaktu pawl a ko ih step ihsin a tla sual a ti. Siizung ah an tlanpi nan siizung an thlen hnuah a hliamhma tuar loin a thi.

Sibawi pawlin nauhakte ih hliamhma pawl cu an zohdik ih step ihsin tla a si thei lo, minung kutthlaknak hliamhma a si an ti ruangah palik pawlin an zingzoi vivo ih Paul ih kutthlak ti an theisuak. Paul cu palik pawlin an kai ih nauhak hmuhsuam thubuai le tualthat thubuai orhter in kum 11 sung thawngtla dingin a thu an ṭhencat.

Be the first to comment

Leave a Reply

Your email address will not be published.


*