A Fala Ih Thik Ding A Phang Ruangah “Ka FB Friend List Ih Um Nunau Pawl In Rak Unfriend Thluh Uh” A Ti

Mipa tam zet cu fala nei cingin Facebook sungah fala hmelṭha le ruangrai ṭha an hmuh asilen a thupten an add cingcing. Cutin an fala ih theih lo sungah a thupten an bia tum ṭheu.

Philippines tlangval JM Prudente cu a danglam zet, fala Jahz Navarra thawn an duhaw ih a fala a duh tuk ruangah a thinnat ding a siang lo ih a thupten cangvaih khal a tum lo.

A facebook friend list ih um nunau pawl cu a fala in a thik ding ti a phang ruangah JM Prudente in “Zangfahten ka Friend list ih um nunau pawl in rak unfriend thluh uh. Internet ka nei lo ih free data ka hman ruangah keimah in ka lo unfriend thei lo. Ka duhawk tuk ruangah a si lo, ka fala aum nuam theinak dingih ka tuahmi sawn a si” tin a tarlang.

Amah theitu pakhat in “Tlangval fel zet a si ih a fala hrangah a rinum tuk, a fala ih thinnat ding a siang lo. Ṭhenkhat mipa pawl cu an fala theih lo sungah fala dang an rak bia thup ṭheu. Anih cu a fala ih rinhlel mi si khal a duh lo” a ti.

A friend list ih um fala ṭhenkhat in an unfriend ngai, asinan ṭhenkhat fala pawlin an unfriend cuang lo ih ca a tar hnu ihsin an bia ciamco sawn.

Be the first to comment

Leave a Reply

Your email address will not be published.


*