A Fala In Tlangval Dang A Nei Ti A Theih Ruangah A That, A Kedam Pakhat Ruangah A Ruak An Hmu

Karen State, Zwegabin tlang parah fala le tlangval tuakkhat cu nuamcen dingin an va kaiso. March 30, 2022 sun ah fala le tlangval cu tlang parah an va kai ih simlam ah tlangval lawng tlangpar ihsin a ṭum. Bike kiltu in, “Na tlangpar kaipi fala teh?” tin arak sut ih a kut in tlangpar lam a khih hnuah manhlap zetin bike thawn a tlanliam.

Fala ih bike cu simlam tiang aum lai ruangah tlangpar ah an va hawl ih an hmu lo. Fala cu kum 22 mi Ma Zarchi Hlaing a si ih university ah kumhnihnak a kai lai. Tualsung mipi le mibawmtu pawlkom in sun le zan in an hawl rero nan an hmu thei lo lawk.

Ni 2 hnu April 1, 2022 zinglam ah a kedam pakhat an hmu, a kedam an hmuhnak kiangkap cu an hawl ciamco ih thinghnah thawn khuhmi fala ruak cu an hmu ngah. A lu ah hliamhma a tuar, a ruak cu leilung le thinghnah thawn an rak khuh. Tlangval cu hmun dangah a tlanhlo.

Tualsung ṭuanvo neitu in, “An duhawknak cu kum 3 hrawng a si zo. An biakawk rero laiah fala in cakuat a dawng thutthi, a kiangih um a tlangval in tlangval dang a nei ti a theih ruangah a hngawng ah a rek that. A thatnak hmun le a phumnak hmun cu a dang.

Fala ruak cu thuhhlo tum in thinghnah le lungtu in a khuh nan a kedam pakhat cu a khuh theihhngilh, sathiam uico in fala ih kedam hi a hmu hmaisabik. A kedam kan hmuh hnu ihsin a ruak khal kan hmu” a ti.

Tualthattu tlangval cu a tlannak hmun ah KNLA-PC pawlin an rak kai ih palik sakhan ah an ap, palik sakhan ah a fala a thah thu khal a phuangaw zo. Tualthattu cu Nwa Chan Kone khua ih um a si ih Tamil miphun a si, a hmin cu Dal Glish a si ih tualthat thubuai le mithi ruak hlonhlo tum thubuai pawl an orhter.

Be the first to comment

Leave a Reply

Your email address will not be published.


*