A Fala Neihawk A Sawm Ih Hnaṭuantu In Zungbun Ava Laksak

Disneyland Paris hmunnuam ah tlangval pakhat in a fala cu neiawk a sawm, a khuk khatlam a bil hnuah neihawk a sawm. Fala in ‘aw’ tin a cohlang ih an lungawi tuk, fala in zungbun a la zik ciah ah Disneyland ih hnaṭuantu pakhat cu ava tlan ih zungbun cu a laksak hnuah a hnuai ah a tum.

Hnaṭuantu in, “A ropi tuk, asinan hitawk hmun ah tuah sawn uhla a ṭha ding” a ti. Hitin zungbun a laksak lai cu video in an rak zuk ngah ih mipi in an soisel zet. Hitawk hmun ah minung kai an siang le siang lo cu theih a si lo.

Disneyland hnaṭuantu ih cangvaihdan cu mipi in an soisel zet ih Disneyland Paris hmin khal a siat phah. Curuangah Disneyland ṭuanvo neitu in ngaithiam dilnak ca a tarlang. “Himi thilthleng ruangah poi kan ti tuk. Caanṭha kan siatsuah mi fala le tlangval hnenah ngaithiam kan lo dil” tin an tarlang.

Be the first to comment

Leave a Reply

Your email address will not be published.


*