A Fala Surprise A Tum Ih A Fala In Rapthlak Zetin Arak Surprise Sawn, A Mak !!!

Thailand, Pattaya ih um German mipa kum 41 mi Mr.Peter in a fala Thailand mi cu a surprise tum ih a fala sawn in rapthlak zetin arak surprise. Thla 2 sung an kopaw ih Mr.Peter cu an ram Germany ah a tlung lawk, a fala cu a room ah a umter.

Covid-19 ruangah a kir sal lohli thei lo. May 30, 2022 ah Thailand ramsung a lut thei, a fala Fah hnenah a tlung thei thuhla a simcia lo. A surprise tum ih a room sung ava lut ih a fala cu aum lo. A thilri bungrua pawl arak ruksak thluh ih a tlanhlo.

A ro thilri retnak khal an bauhsiat ih sui tumpi 2 a hlo, a bike ṭha zet pahnih Vespa le Ducati khal a fala in arak ruksak. A thilri bungrua pawl cu a siat thluh ih a room sung cu hnawmhne in a khat, an ihkhun kiangah mipa bawngbite a hmu (amai bawngbite a si lo). Cun, ihkhun kiangah mipa serh tuamnak rubber hmang zo mi khal a hmu.

Palik pawlin a fala Fah cu phone ihsin an bia ih Kalasin province ah aum thu a sim, Mr.Peter ih thilri bungrua pawl cu June 1 ah ka pe kirsal thluh ding’ a ti. Asinan, June 3 khalah a pe kirsal lo ruangah Mr.Peter in palik sakhan ah taza a cuai, zangnadawmnak ah 10,000 baht a dil. A fala Fah cu an kai ngah hrih lo ih an hawl rero lai.

Be the first to comment

Leave a Reply

Your email address will not be published.


*