A Fala Thawn An Ṭhenawk Hnuah A Lungkuainak Thuhla Cu Tattoo In A Cal Padar Ah A Ngan

Tulai cu tattoo suai a lar zet, thil ziangkim hi tattoo suainak in an pholang. Leiltun lemcan thiam hminthang Will Smith in capoh thiam Chris Rock a beng lai khalah tattoo ih rak suai an um.

Thailand tlangval kum 20 mi Mr. Pannorthorn in a cal padar ah tattoo a suai cu mipi in mawi an ti lo tuk. A tattoo suaimi cu tattoo suai saktu in danglam a ti tuk ruangah online parah a pholang ih tisuar vekin a lar.

A duhdawt zetmi a fala thawn thla 5 sung an thlunawk hnuah buainak an nei ih an ṭhenaw cu a lungkuai, curuangah a cal padar ah, “Duhdawtnak cu a naa, ka phuba laknak cu tattoo suai hi a si” tin a ngan. Tattoo a suai hlanah a nulepa hnenah an siannak a dil lawk ih a nulepa in ‘Na duhmi cu tuah ko aw, na zalennak a si’ an rak ti.

Asinan a cal padar ah tattoo a suai cu an lungkim lo zet nan ti thei zianghman an neih nawn lo ruangah an zohliam men. Mr. Pannorthorn in, “Thla 5 sung ka koppi fala hrang lawngah tattoo ka suai lo, ka rak ton zomi fala zaten hrangah tattoo ka suai” a ti.

Be the first to comment

Leave a Reply

Your email address will not be published.


*