A Fala Thawn Rawl An Ei Laiah An Kap That

Shan State, Muse restaurant ih rawlei fala le tlangval cu zo ti theih loin an dunglam ihsin a kap. Tlangval kum 38 mi Sai Pi Soe le a fala cu July 15 sun ah restaurant ah thil an ei.

Zo ti theih lo meithal keng pakhat in Sai Pi Soe cu a kap ih a tlanhlo hngal. Sai Pi Soe cu a hmun ah a thi cih, a fala cu a him.

An sungkhat in, “A fala thawn rawldawr ah thil an ei. A dunglam ah mipa pakhat ava feh ih a thin zawn ah a kap, naitakten veikhat a kap. Sai Pi Soe hi midang thawn buainak an nei dah lo, China ram ah aum ringring ih ara tlunnak khal thla 3 lawng a si lai.

A pa hi a taksa a zeng ih amah in a tuamhlawm. A ruak cu Muse siizung ah zohdiknak an nei rero lai, a fala hi mipi ralkap thawn pehtlaih awknak an nei” a ti. Muse ramsung ah hriamkai pawlkom tam zet an um ih pawlkom pakhat le pakhat hmuthiam aw loin an kap aw ṭheu.

Be the first to comment

Leave a Reply

Your email address will not be published.


*