A Fala Thin Zar Wint A Ngai Tuk Ruangah “Ka Ṭap Ṭheu” A Ti

Kum 34 mi Thin Zar Wint Kyaw cu Myanmar lemcan thiam le model hminthang a si. Ralhrang pawlin an kai, a taksa mawinak pawl pholang in sumpai a hawl ṭheu tin thubuai phunphun an orhter. Tu’ahcun thawnginn sungah aum.

A tlangval Ye Yint Moe in, “Ka bawihte, ka lo ngai tuk aw. Midang in ziangvek in an lo hmu asikhallen kei cun ka lo duh ringring ding. Na kiangah kumkhua in ka um duh. Nitinten ka lo ngai tuk ruangah ka ṭap ṭheu. Ka caan hmandan hi a har tuk.

Rawl punghmanten ei awla thlacamnak nei ṭheu aw. Kei khal na hrangah thlacamnak le a hlu pawl ka pe. Thinlung ṭha le mitlaitluang nute, na suak lohli ding ka beisei. Kan tonawk sal ding caan ka hngak. Ka lo ngai ni a rei asilen kan tonawk ding caan a nai tin ka hnem aw ṭheu” tin a Facebook cahmai ah a tarlang.

Cun, a hmin ih Facebook lem tuahtu an um thu khal a rel nan mipi pawl hnenah ‘Ka rualpi pawl nan va hro, comment a ṭullo. Buainak a suak ding ka phang ruangah nan va comment a ṭullo sokhaw” a ti.

Be the first to comment

Leave a Reply

Your email address will not be published.


*