A Fale 3 Cu Kum 4 Ah Veikhat Lawng An Birthday Ni A Thleng Ruangah World Record An Ngah

Norway, Andenes khawpi ih um nu Karin Henriksen in fate pathum anei ih an fale pawl cu kum 4 ah veikhat lawng an birthday ni a thleng. Curuangah Guinness Book of Records cabu sungah thil danglam zet a si tin an ngankhum ih laksawng an ngah.

Ziangtin kum 4 ah veikhat lawng an suahcam birthday ni a thleng thei ti asilen February 29 ni ah an suak thluh ruangah a si.

February 29 hi kum 4 ah veikhat lawng a thleng ih himi ni ih suak pawl cu mivanṭha an si an tiih Leaper or Leapling tin an ko. Kumtinten an birthday ni a thleng ve lo ruangah February 28 asilole March 1 ah an suahcam cu an lawm ṭheu.

Karin ih fanu Heidi cu February 29, 1960 ah a piang ih a naupa Olav cu February 29, 1964 ah a suak. Cun an nautabik Leif-Martin cu February 29, 1968 ah leitlun nieng mawi a hmu.

Be the first to comment

Leave a Reply

Your email address will not be published.


*