A Fanu A Zuar Tum Ih A Nupi In Arak Kham Ruangah A That

Pakistan pacang in a fanu kumkim lo cu nupi dingah a zuar tum, mipa pakhat hnenah ₹ 100,000 in a zuar tum cu a nupi in a siang lo ih an buai. A nupi cu a hngawng ah a rek ih a thi. A nupi ih upa in palik sakhan ah taza a cuai ih tualthattu cu an kai.

A upa in, “A hlan khalah an fanu pahnih a zuar zo. Tuiṭum ah an fanu kumkim lo cu ₹ 100,000 in a zuar tum ih ka farnu in a siang lo runagah a that” a ti. Mithi ruak cu siizung ah an zohdik ih cumi hnuah an innsang hnenah an pe.

Thudang: Khamzing Ah A Fala Duhtak Cu Neihawk A Sawm Ih A “Aw” Thluh Ciah Kham Par Ihsin A Tla! Tlangval in fala neihawk a sawm tikah boruak romantic zet hi an hril ṭheu, tipikap le nitla zik zawn tivek hi a romantic cuang an ti. Kumkhua theih ringringnak ah tin hmun danglam le boruak thli thianghlim hrannak hmun hi an hril.

Austria ram ih um tlangval kum 27 mi in a fala duhtak kum 32 mi cu Falkart tlangsang parah a hruai ih zanlam nitla lai cu an cuan. Cutin boruak thiang an hawp laiah tlangval in neihawk a sawm cu fala khal a lungawi tuk ih umngaihnak a thei lo lawk, a tlangval ih sawmnak a cohlang ih “Awle” a ti thluh ciah a tawlh tlu ih kham par ihsin a tla.

A tlaknak kham hi feet 650 ih sang a si, a tlangval khal a dawp hngal nan a vanṭhanak ah thing in arak awk ngah ih boruak ah a tang. A fala khal a vanṭhanak ah vur parah ava tla dumdo ih a thi lo, kiangkap ih mi vaksuak pawlin an hmu ih siizung ah an tlanpi hngal ruangah a fala cu an runsuak thei. Boruak lakih tang tlangval khal runsuaktu pawlin helicopter in an va runsuak ve.

Palik bawi in, “An pahnih in an vanṭha tuk. Tlangval hi meters 15 hrawngah a tang, a fala khal meters 200 hrawng lungto umnak hmun ah a tla nan vur aum ruangah siat a tong lo. Tlangval hi a lu a kuai nan seherh um dinhmun a si lo, vur (snow) rak um lo sehla cun an thilton hi a danglam zet ding” a ti. Fanau maltluan an cawi tikah neiaw dingih an lungkim tlang ni cu an theihhngilh nawn lo ding.

Be the first to comment

Leave a Reply

Your email address will not be published.


*