A Fanu Hnenah ‘In Bawm Aw’ A Ti Hnuah A Kang That

June 7 zinglam nazi 10:37 ah Malaysia nu kum 47 mi Zailah Jusoh in phone call a dawng ih hringtu a nu arak si. A nu cu a thinphang tuk ih a fanu hnenah “In bawm aw, in bawm aw” tin a au ciamco.

A fanu in ‘ziangthil cang? tin a sut ih zianghman ṭong thei nawn loin a ṭap. A fanu in ‘Ka nu, ka ra ding’ a tiih a ṭapa thawn an va feh, motor thawn a nui umnak Kampung Losong Haji Su ah an va feh.

Lamzin ih an tlan laiah a ṭapa in phone call a dawng ih ‘na nulepa umnak inn a kang’ tin a rualpi pawlin an sim. Zailah Jusoh in “Ka nulepa an him theinak dingah lamzin tluan in thla ka cam vivo” a ti.

Asinan, an va thleng hnuah hringtu a nu kum 79 mi Fatimah Mohd cu a kang that ti an thei, hringtu pa kum 82 mi Jusoh Muda khal hliam nazet tuar in siizung ah an tuamhlawm rero lai. An vengsung innkang ah inn 3 cu a kang siatral thluh.

Be the first to comment

Leave a Reply

Your email address will not be published.


*