A Fanu Ih Tlangval A That, Mi Ṭhenkhat In A Mawh Lo, Pacangṭha Sawn A Si An Ti

US, Washington, Spokane pacang kum 60 mi in a fanu ih tlangval kum 19 mi a that ih palik pawlin an kai. Tualthat thubuai an orhter, asinan mi ṭhenkhat in a mawh lo. Pacangṭha sawn a si ih president in ngaithiam hram seh an ti.

November 2020 ih thilthleng a si ih mithi ruak cu tuikum 2021 October thla lawngah an hmu. Thilumdan cu: A fanu hi a tlangval in a bum ih khua dangah a zuar, $1,000 in misual kut sungah a zuar.

Pacang John Eisenman in a fanu ih thuhla a theih veten Seattle ah ava feh ih a fanu cu a runsuak hnuah an khua ah a tlunpi sal. Cutin a fanu ih tlangval umnak cu a zingzoi vivo ih lamzin ah arak bawh, a kaihrem hnuah a lu ah a vuak ih nam in a dawt ciamco.

A ruak cu motor sungah a ret ih ramlakah motor thawn a hlon. Kumkhat hnuah kiangkap um pawlin ramlak ah motor cu an hmu ṭheu ruangah a sung an va zohdik cu mithi ruak an hmu ih palik hnenah an theihter. Tualthattu John Eisenman khal an kai zo ih a thuhla cu buaipi vivo ding a si.

Be the first to comment

Leave a Reply

Your email address will not be published.


*