March 1, 2022 ihsin Malaysia ram nauhak pawl cu tlawng an kai thok ih nauhak pawl cu an lungawi zet. Nunau nauhak kum 8 mi khal nuam a ti tuk nan an classroom hi a hlum tuk a ti.
Curuangah a pa cu an tlawnginn classroom sungah fan kengin ava ding ringring ih tlawnginn ṭuanvo neitu pawl khal an mangbang.
Hringtu a nu Ros Ramlan in, “Ka fanu in an classroom sung a hlum tuk thu a rel ringring ruangah ka pasal in fan kengin ava ding ringring. Ka pasal hi ka fanu ih paei a si nan pafa vek rori in an zohaw” a ti. Fan kengtu pacang in, “Ka fanu hrang lawngah fan ka keng lo, an class zaten hrangah a si.
An sayama in fan an nei daih hrih lo thu in sim ruangah an zaten hrangah fan ka va keng” a ti. Tlawnginn ṭuanvo neitu lamin buainak zianghman an tuah lo ih an rak zoh men, an sayama in fan arung keng hnu ihsin ṭhaten ca kan zir thei. Khuahlum khal a ziaum phah” a ti.
Leave a Reply