A Fanu Neihsun Thawnginn Ihsin An Suah Ve Lo Ruangah Lungkuai In A Thi

June 30 sunah thuneihnak latu ralkap in thawnginn pawl an suah zalen, thawngtla pawl an suah zalen ding ti thu an rak thancia ruangah mipi cu zingpit ihsin thawnginn hmaiah an um. An nulepa, ulenau thawngtla pawl ra suak ding an hngak.

Kachin ram, Myitkyina, Le Kone vengih um pacang kum 66 mi U Shadau Zau Hpang khal a fanute ra suak ding hngakin thawnginn hmaiah aum ringring. Thawngtla pawl cu an rak suak ih an nulepa, ulenau pawl thawn lungawi aipuang in an pomaw celcel, asinan a fanute cu a telve lo.

Zanlam tiang a hngak cuahco nan a fanu ih hmuihmel a lang lo, cutin innlam ah ava tlung ih lungphu cawl in a thih thu theih a si.

Vengsung mi pakhat in “Sun ah khosuai kan eitlang, khosuai kan ei laiah ‘Ka fanu ara suak tikah in hmu lo asilen aum nuam lo pang ding tin a khosuai khal rang tukin a ei ih thawnginn hmaiah ava fehsal. An inn le thawnginn cu a naiaw te, zanlam ah inn ava tlung ih in cemsan” a ti.

June 30 sunah ralkap in an kaihmi Myitkyina lamzawhtu 145 cu an suah zalen, nunau 50 le mipa 95 an si. Asinan CDM tuah cozah hnaṭuan, lawyer, thuthang latu ṭhenkhat cu an suah lo.

U Shadau Zau Hpang ih fanu Ma Bauk Ja cu June 11 sunah Aung Myin Tha cawlh hahdamnak hmun ih a fehlam ah ralkap pawlin an rak kai ih pukmah 505 in thubuai an orhter. A pai thih thuhla khal a thei hrih lo.

Be the first to comment

Leave a Reply

Your email address will not be published.


*