A Fanu Ni 7 Lawngih Upa Cu A Kap That, Fapa Neih A Duh Ruangah >>>

Pakistan pacang in a fanu ni 7 lawng ih upa cu meithal in vei 5 a kap, fatir ah fapa neih a duh nan a nupi in fanu a hringsak ruangah a cohlang thei lo. A fanu hmin ah ‘Jannat’ tin an phuah ih a san cu Vanram tinak a si.

Pacang in fanu a nei ti a theih veten an inn ah a tlung duh nawn lo, ni 7 hnu March 7 sun ah ava tlung ih an inn ahcun an sungkhat pawl an rak um. A nupi hnenah a fanu cu ‘in pe aw’ a ti, an sungkhat pawlin an kham tum nan meithal in a tin hai ih nan cang asilen ka lo kap ding tin a hringhro.

Cutin, a fanu te cu a kap that ih a tlanhlo, March 10 ah a tlannak hmun ah tualsung palik pawlin an kai ngah. Pakistan mipi pawl cu an thinheng tuk ih lamzawhnak an nei, “Sual rapthlak zet a si, a cinfelnak umsun cu thlai that uh. 2022 a si zo ih nunau pawlin leitlun hi kan kaihruai thlang ding” tin an au ciamco.

Pakistan ramsung ah nunau dinhmun hi a niam tuk, fa hmaisabik ih fanu nei cu hmuhsuam an tong áš­heu. Tualsung mibawmtu pawlkom in ‘kum 2 sungah naute an hlonmi 500 lenglo kan sar zo, an hlonmi naute pawl cu nunau deuh hlir an si” a ti.

2015 kum khalah pacanng pakhat in a fanu pathum a that. Fanu 4 le fapa pakhat anei ih ‘rilrawng in kan thi ngaingai ding’ a ti hnuah a fanu pathum cu a that. A nupi le a fapa cu mopuai ah a fehter, a nupi in an fanu nautabik kum 2 mi cu inn ah a tan siang lo ruangah a fapa thawn mopuai ah a hruai.

Inn ih um an fanu pathum cu hringtu a pa in arak that thluh, palik pawlin innsang pabik cu an kai. 2013 kum khalah pacang kum 28 mi in a fanu thla 18 mi cu tiva ah a hlon, fapa neih a duh nan fanu sawn a neih ruangah a lungawi lo tuk ih a fanute cu tiva ah a hlon.

Be the first to comment

Leave a Reply

Your email address will not be published.


*