A Fanu Rualban Lo Ih Pum A Tum Deuhdeuh Ruangah Siizung Ah An Va Feh Ih >>>

Irrawaddy, Kyon Pyaw peng, Kungyangon khua ih um fala kum 17 mi Ma Kyi Pya Soe cu rualban lo, thinlung lam buainak nei a si. Tualsung mi U Tun Thein (kum 56) in a sualpi ṭheu ruangah nau a keng.

Nga vulhnak kiang ih rawlhmeh ding a hawl rero laiah U Tun Thein in ramlak ah a hruai ih a duh lo nacing in a itpi. Zarhkhat hnuah Ma Kyi Pya Soe cu a nute Daw Tin Win tei inn ah leng dingin a feh.

An khua tlawnginn kiangah U Tun Thein thawn an tong aw ih U Tun Thein in tlawnginn dunglam ih um hmuan sungah a hruai ih a sualpi sal. A thilton cu a nu hnenah a sim thei nan a nu in a zum lo, thinlung lam buainak nei a si ruangah a thu rel mi cu a ngaihsak lo.

Cumi hnuah Ma Kyi Pya Soe ih pum a tum deuhdeuh ih a nu in rinhlelnak a nei thok. Nurse Daw Nan San Myain siikhan ah an va piah aw ih nau a pai arak ti, a naupai cu thla 5 a kim zo. A nu Daw Htay Kyi in Irrawaddy palik sakhan ah thubuai ava thehlut ih U Tun Thein cu an kai.

Be the first to comment

Leave a Reply

Your email address will not be published.


*