A Fanu Tei Tlawnginn Leknak Ah Ava Tel Ih A Cangsual, A Hminthang. Mipa Hnen Ihsin Cakuat 500 Lenglo A Dawng

England, Essex khawpi ih um nuthlawi fakhat nei cu a cangsual nan a hminthang sawn. A fanu kum 8 mi tei tlawnginn sport ah ava tel, nulepa pawl tlan zuamawknak ah an tuah ih a fanu in a nu cu telve dingin a ngen rero ruangah ava telve.

Tlan an zuamawknak ahcun a bah ih a taw a lang thluh. Ṭhenkhat in an soisel ih ṭhenkhat in nu ṭha zet na si tin an lawm rero.

Kum 36 mi Katie in, “Leitlun mipi zaten in ka taw an hmu thluh nan poi ka ti lo. Ka thup thei lo, a zahthlak lo ih a hnihsuak um sawn. Hnihsuak hi ka ngaina. Ka fanu in leknak ih telve dingin in ngen ruangah ka tel, sport mi ka si lo ih ka tlancak thei lo ruangah ka bah.

Ka cangsual hnuah mipa hnen ihsin cakuat 500 lenglo ka dawng. Greece, Puerto Rico, Germany le Australia ram ihsin khal cakuat ka ngah ih ‘pasal na nei lai maw, ziangtin tutiang na single thei lai?’ tin in sut cece” a ti.

Be the first to comment

Leave a Reply

Your email address will not be published.


*