A Fapa Cawi In A Zuk Aw, A Phenhlam Cu A Danglam, Ṭihnung Um !!!

Philippines, Lucena khua ih um Arlaine S Villosabri in naute anei ih a damcak deuh hnuah a pasal ih farnu tei inn ah ava leng.

A fapa cu hnawiti a pek hnuah a aw rero, cutin a nau awi laiah a zukaw duh ih a pasal ih farnu Lean cu a phone a pe ih zuk dingin a fial. Lean ih a zuk ih thil danglam ciamco an hmu lo ih Arlaine S Villosabri in zuk cu zianghman edit loin a facebook cahmai ah a tarlang hngal.

Cutin online sungih a tarlang hnuah an vun zohsal cu a phenhlam hi amah arak si lo, anih cun naute a cawi nan a phenhlam ih umdan cu naute cawi a si lo, a kut khal a hmuh theih.

Cun, a phenhlam hi arak cang rero ti an thei, hitin thil danglam zet an hmuh ruangah innsung ih um pawlin an ṭih tuk ih Arlaine S Villosabri cu an tlunter lohli hnuah camkhat sung cu ra leng hrih hlah an ti.

Arlaine S Villosabri khal a tlung lohli ih a thin a nuam thei lo, a phenhlam hi ziangtin a danglam ti tutiang an theithei lo. Online mipi in, “Leitlun ah simfiang thei lomi thil tampi an um, hmuh theih lomi thil tampi an um. Pathian zum awla thlacam ṭheu aw, Pathian in lo kilhim hram seh” an ti.

Be the first to comment

Leave a Reply

Your email address will not be published.


*