A Fapa In Rilrawng Tihal Ih Thi Dingin A Ret, A Fapa Sawn A Thi

Thailand, Buriram province ih um mipa kum 57 mi Thongdee in hringtu a nu kum 82 mi Nuan Salangam cu rilrawng tihal ih thi dingin a ret nan amah sawn a thi. Thongdee hi zu le ritheihsii tham ṭheu a si.

A nu in cozah hnen ihsin tarcak lo pawl bawmnak sumpai a ngah nan a fapa in a zu leinak ah a hmangsak ṭheu. A nui inn le lo khal 60,000 baht hrawngin a pawng ih leiba a pe thei nawn lo.

An inn le lo man cu game leknak ah a hmang cem thluh, Nuan Salangam a thih tikah an inn le lo cu midang kutsung ah aum hngal ding. A nu hi rawl a pe dah lo. A nu hmaiah rawl a ei ih a nu in rawl in pe ve aw a ti nan a pe duh lo, a nu in tidai sia lawng a in ṭheu.

Zu a rit caan ah a nu cu kut a thlak. Nuan Salangam in , “Ziangtin ka damkhuasuak thei ti khal ka thei aw lo” a ti. Vengsung mipi pawl khalin a fapa zuri ṭheu Thongdee ruangah an palkai duh lo. Augsut 16, 2022 ah an innhnen nu in thilrim sia zet a theih ruangah palik hnenah a sim thei, palik pawlin an va zoh cu Thongdee hi arak thi zo.

A ihkhun parah thicia in an hmu, pangang (lung) in an rak ei rero. A thihnak san cu TB natnak ruangah ti an thei, mithi ruak kiangnai ah pitar kum 82 mi Nuan Salangam hi aum nan a fapa a thi ti khal arak thei lo.

Vengsung mipi pawlin zu a rit caan ah a nu hi kut a thlak ringring nan a nu in a duhdawt tuk’ an ti. Pitar Nuan cu siizung ah an phur ih an tuamhlawm rero lai, palik pawlin an sungkhat midang an um le um lo an zingzoi. Kilkhawitu zohman an um lo asilen pitar le putar pawl umnak runinn ah an ret tum.

Be the first to comment

Leave a Reply

Your email address will not be published.


*