A Fapa Lukhum Ruangah Tisartan A Sual

Australia pacang in a fapa ih lukhum ruangah tisartan tumpi a sual. Kakadu tiva ah a fapa thawn nga an va sio ih a fapa in nga tumpi a awk, a ngaawk mi cu tisartan in a ei tum ih a thlun vivo.

Nga cu an dirsuak ih tisartan khal an umnak ah ava feh, a fapa in a ṭih tuk ruangah a tlan ih a luhkhum cu a theihhngilh. Cutik ah pacang in a fapa ih lukhum laknak dingah tisartan cu a sual.

Kiangkap um mipi pawl cu an au ciamco. Pacang in tisartan cu a sit, tisartan in a keu tum ih arak khir, an dumawk rero hnuah a fapa ih lukhum cu a la ngah thei, tisartan khal tiva ah a dawpsal.

Pacang in, “Ziangkhal ka ruat man lo, tisartan kiangte ah ka um ti lawng ka thei” a ti. A fapa in, “Ka lukhum cu ka ruat thupi lo, inn ah lukhum 15 ka nei lai. Ka pa hi ka seherh sawn, hringtu pa cu pakhat lawng ka nei” a ti.