A Hnaṭuan Cu Naute Hmin Sak, Hmin Pakhat Ah $10,000 A Ngah

New York khawpi ih um nunau kum 33 mi Taylor A. Humphrey ih hnaṭuan cu naute hmin sak a si. Amah cu nunthuleng cangan thiam hminthang a si, nikum 2021 sungah naute hmin 100 lenglo a phuahsak. Naute hmin a sak tikah a man cu a phunphun in a la, $1,500 ihsin $10,000 man khal aum.

Hmin phuah hi a thiam zet. An dinhmun ih zir le an hnaṭuannak ih zir in naute hmin a phuahsak thiam, mi tam zetin an naute hmin khal an va thlengter sal ṭheu. Nupa tuakkhat khal Parker khawpi ah an rak hnamaw hmaisabik.

Curuangah an fapa ih hmin ah Parks tin a phuahsak. A hmin phuahmi ṭhenkhat cu Balthazar, Jitney, Astoria, Fayette, Ansel, Brave, Florian, Roscoe, Barabas, Stavros, Stellan le Ellis pawl a si. Online mipi pawlin naute hmin sak ih eihawl ti cu an zum lo tuk ih thu an sut ṭheu.

Taylor in, “Na zum le zum lo cu nan thu si ko, naute hmin phuah ka thiamnak cu Pathian thlasuah a si. Naute hmin sak cu ka full-time hnaṭuan a si” a ti. Tu’ahcun ‘What’s in a Baby Name’ timi company a din.

Be the first to comment

Leave a Reply

Your email address will not be published.


*