Leitlun ah hnaṭuan phunphun aum, ṭhenkhat hnaṭuan cu a mak in a danglam thei zet. New York khawpi ih um fala Taylor ih hnaṭuan khal a mak zet, a hnaṭuan cu naute hmin phuah hi a si. Milian pawlin an naute hmin phuahsak dingin an sawm ih veikhat hmin a phuah man ah $1,500 a hlawh.
Canada khawpi ih um mipa kum 30 mi Trevor ih a hnaṭuan khal nunau/nupinu umhar pawl hi a pomhlum ṭheu, sun ah bang zetin hna an ṭuan ih zan ah pomhlumtu an neih lo ruangah Trevor cu sumpai thawn an sang. Kum reipi sung pasal khualtlawng pawl khalin an sang.
Trevor in ‘Embrace Connections’ timi pawlkom a din ih tulai ahcun kotu an nei tam thei zet. Nunau pakhat in, “A tir ahcun ka ngaih hi a ṭha lo lawk, asinan neta lam ahcun thlangamnak ka nei ih ka hahdam tuk” a ti.
Trevor in, “Kan hnaṭuan cu mi pomhlum hi a si. Kan duat dingih an thinharnak pawl kan hnemdai ding, mi ṭhenkhat in kan hnaṭuan cu nupa-sinak ah an ruat. Asilo, kan hnaṭuannak ah nupa-sinak a ngah lo, kan cohlang lo. Kan hnaṭuannak cu mi thinhar. umhar pawl va pom lawng a si lo ih hnangamnak/hahdamnak pek hi a si” a ti.
Leave a Reply