A Hnaṭuannak Ah “Ka Dam Lo” A Tiih Euro Cup Ava Zoh, Live An Thlahnak Ah Arak Lang Ve Ih Hnaṭuannak Ihsin An Ban

July 8 ah England le Denmark cu London, Wembley khawpi ah Euro 2020 semi-final bawlung an sit. England, Bradford khawpi ih um nunau kum 37 mi Nina Farooqi in a hmun rori ih zoh a duh ruangah a hnaṭuannak a pule pawl cu a bum.

“Ka damlo” a tiih hnaṭuannak ah a feh lo, Wembley khawpi ah a rualpi pawl thawn an va feh ih bawlung sit cu an zoh. England in bawlung an sit goal ih mipi cu lungawi in an au ciamco.

Nina Farooqi khal mipi lakah lungawi in arak au ciamco ih live an thlahnak TV sungah a lang ve. A hnaṭuanpi in “TV ah kan lo hmu” tin ca a kuat hngal, a thaizing ah an pu in ca a kuat ih “Hnaṭuannak ah ra duh nawn hlah” a ti.

Nina Farooqi in “Kan pu in bawlung sitnak hmun ah ka lo hmu in tiih thudik vekin ka cohlang. Zangfahnak nei loin hnaṭuannak ihsin in ban hngal, malte cu ka siraw. Asinan, ka va zoh lo asilen ka siraw leh thotho ding” a ti.

A hnaṭuannak cu Composite Prime a si, July 11 zanah England le Italy cu final an sit dingih England in aneh asilen monday sun cu hnaṭuan kan cawl thluh ding tin offer an pe. Asinan, England in a neh lo ruangah hnaṭuan cu an cawlsal lo ding.

Be the first to comment

Leave a Reply

Your email address will not be published.


*