A Hnenah Sumpai An Ret Ciamco Ih A Tlanhlo, Amah Ruangah Mi Pakhat A Thi

Shan State, Namtu khua ih um nu pakhat hnenah vengsung mipi pawlin sumpai an ret ṭha ṭheu. A kut sungah sumpai tam zet aum hnu ihsin a tlanhlohpi tin tualsung mipi pawlin an rel.

Mibumtu ih hmin cu Daw San San Htwe a si ih fate pahnih nei a si. Sumpai ziangzat ciahciah a tlanpi ti cu an thei lo nan a tingtel a si an ti. Bumtuar pakhat in, “A hlan ihsin a hnen lawnglawng ah sumpai kan rak ret ṭha ṭheu. Kumkhat hnuah kan suahsal ṭheu, a hnenih sumpai rettu cu an tam tuk.

Kan sungkhat pawl le ka ruapi pawl khal a hnenah sumpai an ret thluh. Amah thawn khalin kan nel aw tuk, tuikum thla 8 thla ah a tlanhlo, sumpai kan suah ding thla a si. A tlanhlo hlanah bike a mawng ih sikhan ah ka feh ding in ti ta. Ni 2 hnuah a innsang pawl khal a dung thlun in an tlanhlo thluh” a ti.

Sumpai retnak saving pathum a kai ih thlakhat ah 50000, ting 1 ret ṭheutu hi minung 100 hrawng an si. Win Myint Moe Company ah hnaṭuan lai a si ih company sumpai ting 200 khal a tlanhlopi.

Sumpai tam zet thawn a tlanhlo ih aumnak an thei nawn lo, Popa lamah a tlan ti lawng an thei. Daw San San Htwe hnenih sumpai rettu Ko Po Ko cu thisen sang nat nei a si, Daw San San Htwe a tlanhlo ti a theih veten a thisen sang a suak ih a thi.

Be the first to comment

Leave a Reply

Your email address will not be published.


*