A Hnipuan Hruh Ruangah Vanzam To An Siang Lo

Fala kum 26 mi Deniz Saypinar cu bodybuilder le fitness model a si, online sung khalah a lar zet. Turkey ram ih piang a si nan an ram a zalen lo tuk ruangah US, Los Angeles ah khua a sa.

A taksa a ṭhah ruangah International Federation of Bodybuilding and Fitness (IFBB) laksawng khal a ngah. US National Bikini Fitness Competition 2021 zuamawknak khalah pakhatnak arak ngah.

Cutin, Miami khawpi ah zuamawknak nei dingin Texas airport ihsin a zamsuak tum cu a hnipuan hruh ruangah American Airlines flight pawlin vanzam to an rak siang lo. A hnipuan hruh cu zoh a rem lo tuk, midang innsang pawl hrangah a ṭha lo an ti.

Deniz Saypinar in a hnipuan hruh lai thawn a zukaw ih “Himi ka hnipuan ruangah United States in vanzam to in siang lo. In hmuhsuam tin ka ruat, mipangai ka si ih ziangvek hnipuan hruh a ṭha/a ṭha lo ti cu ka theithiam ko. Leitlun ih miaa bik vekin in pehtlaih cu ka lungawi lo. Lek ding ka si ih thaisun ih suak ding vanzam ka hngak ṭul phah” tin online sungah a tarlang.

Be the first to comment

Leave a Reply

Your email address will not be published.


*