A Innsang Pawlin Birthday Cake An Leisak Thei Lo Nan Aipuang Zetin A Birthday A Hmang

Leitlun ih milian bik an timi cu “Nei tawkte ih lungawi thiam pawl an si”. Tulai Covid-19 ruangah Indonesia innsang pakhat cu hnaṭuan ding an nei nawn lo ih an harsa zet.

An fanu kum 3 mi ih suahcam birthday a thleng ih birthday cake an leisak thei lo. Birthday cake aiah banhla pumthum an ret ih a laiah phazawngdan an vangsak.

An fanu cu a lungawi tuk ih a hni rero hnuah an sungkua in ‘happy bithday hla an sak ih phazawngdan cu a semmit. A video cu Warung Jurnalis in a post sak ih online mipi pawl ih thinlung a neh zet.

A pa in “Ka fanu kum 3 mi birthday a si, thla rak camsak hram uh. Kei cu hnaṭuan ding ka nei nawn lo…” tin a tarlang.

Warung Jurnalis in “Kan naunu te hi a suahcam duhsaknak hlan cio uh, a nulepa khal hna ṭhate an ngah lohli theinak dingah thlacamnak thawn rak bawm uh. Happy birthday, little one” tin an tarlang.

Be the first to comment

Leave a Reply

Your email address will not be published.


*