A Innsang Ruat In Ramdang Ah Kum 21 Sung Hna Ava Ṭuan Ih Sumpai A Kuat Ringring, A Damlo Ih A Tlun Tikah Cun A Innsang Pawlin An Rak Duh Nawn Lo

Ramdang ah harsa zetin hna an va ṭuan ih an ngahmi sumpai cu innlam ah an kuat ṭheu. Asinan, ṭhenkhat in an harnak pawl ruatsak loin nuam an arak cen.

Philippines mipa Kuya Ramon cu innsang harsa zet an si ih a innsang pawl a cawm duh ruangah Saudi Arabia ram ah hna ava ṭuan.

A nolai caan cu hnaṭuannak in a hmang cem, nulepa an nei nawn lo ruangah a u tei innsang hnenah sumpai a kuat ṭheu. A sumpai kuat mi in nauhak pawl tlawng an kaiter ih nuam zetin caan an hmang.

Kum 21 hnuah Kuya Ramon cu a damṭha lo ih Philippines ramah a tlung, a hnaṭuannak ih rahsuak pawl ei dingin ava tlung nan ei ding zianghman a hmu nawn lo.

A u tei innsang in an rak cohlang lo ruangah umnak ding nei lo, lamzinkap minung ah a cang ih nupi khal nei loin amahten a khuasa. Aileen MariquitSombise timi in a thuhla cu facebook parah a tarlang sak ih mipi pawlin an lainat zet.

Be the first to comment

Leave a Reply

Your email address will not be published.


*