A Kaihrem (Kidnap) Aw Bum Ih A Pasal Hlun Hnenah Tlensuahnak Ding Sumpai A Dil

Nunau kum 20 mi Leah in a pasal hlun a bum nan a hlawhtling lo. Nikum October 2020 ah amah le mah a kaihrem aw bum, hridai in a tawnbet aw ih a kiangah meithal a ret.

A zukawk hnuah a zuk cu a pasal hlun hnenah a kuat ih ‘Na nupi hlun hi nungdam in a suah thei na duh asilen £2,000 in kuat aw” tin ca a ngan. A pasal hlun in a hmuh veten palik hnenah ava theihter ih palik pawlin an va runsuak tum cu thuphan a si ti an theisuak.

Palik pawlin Leah cu an kai ih a pasal hlun a bum ruangah thla 5 sung thawngtla dingin le sumpai £156 zat an kuanter. A pasal hlun a bumnak san cu “Ka innsang pawl hrangah Christmas laksawng ka leisak duh ruangah a si” tin a phuangaw.

Be the first to comment

Leave a Reply

Your email address will not be published.


*