A Ke 2 A Bul Hnuah A Pasal In A Tlansan, Kum 9 Hnuah…

China, Sichuan ah innsang nuam zet an rak um. Innsang nubik Liao Zhi cu lamthiam a si ih lam zirhtu khal a si. A pasal thawn fanu kumkhat mi an nei, 2008 May thla ah an umnak Sichuan cu linghnin in a nuai ciamco ih building tampi a cimsiat thluh.

Liao Zhi tei umnak inn khal a cim ih a fanu kumkhat mi cu a thi, Liao Zhi ih ke pahnih khal building cim in a nensiat ruangah a ke cu tan ṭul dinhmun ah aum. Sibawi pawlin a ke pahnih in an tansak ih a nun cu a thim thluh.

A ke pahnih an tan hnu ihsin a pasal in a pehtlaih ṭha nawn lo vivo ih a tlansan. Liao Zhi ih nun cu van a zoh ih a sang, lei a zoh ih a pit tivek a si. Asinan a nun ah beidon a tum lo ih kelem a bun hnuah a thiamthil lamnak ah ava tel ṭheu.

Kum 5 hnuah Ya An ramsung cu linghnin in a nuai ciamco ih an buai zet, Liao Zhi in an thuhla a theih veten Ya An ah ava feh ih building cim lakih mitang pawl cu a runsuak, a bawm.

A kelem thawn a feh thitha thei lo nan a tha neih hmuahsuah in mi a bawm lai cu mipi in an rak hmu ih an upat zet. Cutin, Media pawlin an tarlang vivo ih milar hminthang zet ah a cang.

Cun a hmelṭhanak khal mipi pawlin an hmusal ih Hong Kong milar Cecilia Cheung thawn an bangaw tuk an ti. Cutin, kum 9 hnuah cun lamthiam hminthang zet ah a cang ih a sinak vek ih duhdawttu mipa thawn an tongaw ih an neiaw. Fanau maltluang cawi in hringnun an hman rero lai.

Be the first to comment

Leave a Reply

Your email address will not be published.


*