A Mang Ah A Rualpi Thi Zo A Hmu Ih Aungbali An Poh Ngah

Thailand nu in a fapa ih mang hmangin aungbali ava lei ih a poh ngah. Udon Thani khua ih um Mrs Tithiya Bantaohome cu lamzin kap ih thilzuar ṭheu a si. A fapa ih rualpi ṭhabik cu kan dung March thla ah a thi.

A fapa ih mang ah a rualpi ṭhabik cu a hmu, an phumnak ih a hruhmi kor arak hruh ih a kor parah 1970 number a ngah aw.

Mithi zo in “Ziangruangah tutiang nan harsa tuk lai? Ziangruangah na lian hrih lo?” tin arak sut ih fangfai le sumpai a pe. A mang cu a nu hnenah a sim thei, a nu cu bazar ah ava feh ih lamzin ah aungbali zuarnak a hmu, cutikah a fapa ih mang cu a mangsuak ih aungbali a lei.

April 1, 2021 ah aungbali $6,000,000 zat an poh ngah ih mithi khua ihsin a rualpa in an harsatnak pawl a rung bawm an ti. Thailand pawl hi aungbali an uar thei zet, an nung ah thil danglam zet pakhat khat an tong asilen aungbali leidan dingin an tawlrel. Motor sungah nau nei an um asilen nauneihnak motor number vek ciahciah aungbali an lei ṭheu.

Be the first to comment

Leave a Reply

Your email address will not be published.


*