A Mang Ah A Tlangval Ih Pek Mi Zungbun A Dawlh, A Ngaingai Khalah Arak Dawlh

California khawpi San Diego ih um fala kum 29 mi Jenna Evans le a tlangval cu neiaw dingin an hamaw cia, hamawknak zungbun an peaw veve ih an hlim zet.

An neihawk ni a thleng hlanah Jenna Evans in mang danglam zet a man, a man ahcun a tlangval thawn khual an rak tlawng ih lamzin ah misual pawlin an dingter.

A tlangval in a zungbun cu an laksak ding ti a phang ruangah humhimnak ah dawlh aw tin a fial ih a mang ahcun a dawlh. Zing ara tho ih a kut ah zungbun aum nawn lo ruangah a mangbang tuk, a thinphang ruangah a tlangval cu a ko lohli ih a mang cu a sim thei.

Vengsung siizung ah an va tlan hngal ih a pum sung an zohdik ih zungbun cu an hmu ngaingai, nazi 1 sung hrawng cu an hni ciamco lawk. Sibawi pawlin a pum at ṭul loin a kaa ihsin cet-pipe thawn an dirsuak theisal.

Jenna Evans in “Ziangkim kan ṭha thluh zo, kan neihawk ding ni lawng kan hngak. Zungbun cu dawlhsal ka tum nawn lo, kan thuhla theitu pawl cu an hnihsuak tuk ti ka theih ruangah ka lungawi” a ti.

Be the first to comment

Leave a Reply

Your email address will not be published.


*