A Mang Ah Pawngsual A Tong Ringring Ruangah Palik Sakhan Ah Thubuai A Thehlut, A Mang Ih Mipa Khal An Ko

India, Bihar’s Aurangabad ih nunau pakhat in mang danglam zet a man ṭheu, a mang ahcun an puithiam in arak pawngsual ringring ruangah palik sakhan ah thubuai ava thehlut.

January thla ah a fapa a damlo bese tuk ih puithiam Prashant Chaturvedi hnenah a fehpi. Puithiam Prashant Chaturvedi in tuamhlawm dan ding le thawinak pek ding pawl a sim, asinan ni 15 hnuah a fapa cu a thi thotho.

A fapa thih hnuah Kali Bari temple ah ava fehsal ih a fapa ih thihnak san theifiang dingin a sut, cutawk ah puithiam Chaturvedi in a pawngsual tum. Asinan a fapa thi zo ih bawmnak zarah a tlansuak thei thu a rel, cutawk ih a thilton cu palik hnenah a sim lo.

Cumi hnu ihsin a mang sungah an inn ah puithiam Chaturvedi cu ava ih a pawngsual ringring ruangah palik hnenah thubuai a thehlut. Palik pawlin Chaturvedi cu thu an sutfiah ih zianghman a thei lo thu a rel.

Palik bawi in “Thu kan sut ih zianghman a thei lo thu a rel, thubuai thehluttu nunau thawn khal kan tongaw dah lo a ti, tetti zianghman kan neih lo ruangah kan suahsal” a ti. (#Indiatimes)

Be the first to comment

Leave a Reply

Your email address will not be published.


*