England, Tetbury khua ih um nunau kum 36 mi Isabelle cu a tleirawl lai ihsin mithmul tam hi a uar thei tuk. A mithmul a mal tuk ruangah a mithmul cu a dirthlong ṭheu, mithmul tamnak dingah a dirthlong ṭheu ih mithmul a nei nawn lo. Nitinten mithmul lem a tuah.
Online fehtlang ihsin surgery thuhla a thei ih mithmul tamdan ding a zingzoi. Cutin, a mithmul tuah dingah Poland ram ah ava tlawng. UK ram ahcun mithmul tuah man hi £5,000 a si, Poland ram ahcun £1,500 lawng a si.
Siibawi pawlin nazi 4 sung an tuamhlawm, a lu ih sam ṭhenkhat an la ih a mithmul ah an phun. An tuamhlawm laiah naa zianghman a thei lo nan sii veihnih an dawt ahcun a naa zet’ a ti.
Siibawi pawlin zarhhnih sung a mithmul tham an siang lo, tidai thawn kholh khal an siang lo. Cumi hnu ihsin mithmul ṭha zet a nei, asinan a mithmul cu a lu parih sam vekin an thang ciamco ruangah a tan ringring a ṭul.
Isabelle in, “Ka mithmul hi sam vekin an thang ringring. Mithmul vekin an thang hi a cawl ve thei lo. Thlatinten ka mithmul hi rualpi hnenah ka va met tan ṭheu. Ka duhthusam vekin mithmul ka nei zo ih ka hnangam tuk. Rinsan awknak khal ka neih phah, ka mithmul thar ruangah ka lang nauhak thluh” a ti.
Leave a Reply